'Margin Lands' - A review

 మరో మంచి పుస్తకం .

మన చుట్టూ వున్న ప్రకృతి నుండి మనం ఎంత దూరంగా జరుగుతున్నమో చూపించే ఒక అద్దం . ప్రభుత్వం , అధికారులు కొంత స్వలాభం , కొంత అజ్ఞానం , కొంత అహం తో నడుస్తున్న జీవితాల్ని మరింత కిందకు తోసేస్తున్న వైనం చెపుతుంది ఈ పుస్తకం.

ఇది కూడా ఒక నాలుగైదు పోస్టులుగా చెప్తాను . అలవాటేగా !

ముందు ఆరతి కుమార్ సుఖవంతమైన వుద్యోగం వదులుకుని పరిసరాలను అధ్యయనం కోసం బయలుదేరుతారు . ముందుగా వెళ్ళింది థార్ ఎడారి .

ఎడారి అనగానే మనకు నీళ్ళు వుండవు , పేదరికం గుర్తుకు వస్తాయి . అదంతా నీళ్ళు వచ్చేలా చేసి పంటలు పండిస్తే -- ఒక అధికారి ఊహ ! లేదా ఒక మంత్రి గారి కల . అహా , ఒహో అనుకుంటాము ..

కాని అటువంటి పరిస్థితులలో ఎందుకు జీవిస్తారు ప్రజలు ? మంచి చోటుకు రావచ్చు కదా అని అనిపిస్తుది. అదే అజ్ఞానం . ఆ ఇసుకులో నీరు ఎక్కడ వుందో. అతి తక్కువ వర్షం పడుతుంది అక్కడ . ఆ కాసిని నీరు ఎలా కాపాడుకోవాలో, ఎలా పంటలు పండించుకోవాలో , ఏ మబ్బు వర్షంలా కురుస్తుందో, ఏది మురిపించి పోతుందో అన్నీ తెలుసు అక్కడ పుట్టి పెరిగిన చత్తర్ సింఘ్ కి . ప్రకృతిని ప్రేమిస్తూ , లాలిస్తూ , దానితో మమేకమవుతూ జీవించారు . వారు ప్రతి మబ్బుకి ఒక పేరు , ప్రతి గాలి తెమ్మెరకి ఒక ఉనికి .

' నా పిల్లలు ప్రభుత్వ పాఠశాలకి వెడతారు . ఆ చదువు వస్తుందేమో తెలీదు కాని తన పుట్టి పెరిగిన ఈ ప్రదేశం గురించి తెలీదు ' అంటారు . కష్ట పడి జీవించి , బ్రతకడం వారి జీవిన విధానం . వారు అందులో ఆనందం .

ఎడారి పచ్చగా మార్చాలి అని డాం కట్టి కాలువ తవ్వారు . చివరి దాకా నీరు ఎక్కువ రాదు . దానితో మురికి, దోమలు - మలేరియా , డెంగు . అంతకు ముందు తెలియనవి వచ్చాయి. పై నుంచి వచ్చే వ్యర్ధాలతో నీరు కలుషితం , తాగితే రోగాలు . చివరికి వారి పాత పద్ధతే .

ఆ పద్ధతిలో నీరు. వుండాలంటే మధ్యలో అడ్డాలు వుండకూడదు . కాని సౌకర్యం కోసం మద్యలో ఎత్తుగా , అడ్డంగా రోడ్డు . Air energy అంటూ మంచి దట్టమైన ఓరన్ (' వారికి అది పవిత్ర స్థలం . ఒక్క చెట్టు ముట్టుకోరు ) మధ్యలో windmills . వాటికి తగిలి పక్షులు చచ్చిపోవడం . పచ్చదనం కోసం తొందరగా పెరిగే Exotic Israeli Acacia చెట్లు . అవి భూగర్భంలో వున్న నీరు అంతా లాగేస్తాయి . ఎడారి ఇసుక మరింత ముందుకు వస్తోంది .

ఇదంతా మన నాగరీకుల నిర్వాకం . అసహాయంగా చూడడం చత్తర్ సింగ్ లాంటి వారికి మిగిలింది . ఒక ఏడాది ఆ ప్రాంతం తిరిగి రాసిన 30 పేజిల మొదటి భాగం .

All reac